К. ПОРТЕР
«СҮЙ МЕНІ, КЭТ!»
2 актілі мюзикл
Либреттосы Б.С. Спивак
Премьерасы 2008 жылы 4 сәуірде болды.
Ұзақтығы - 2 сағ.
ҚОЙЫЛЫМ ТОБЫ:
Музыкалық жетекші және дирижер - Роман Калошин
Режиссер - «Алтын маска» лауреаты Сусанна Цирюк (Ресей, Санкт-Петербург)
Суретші - Қазақстанның еңбек сіңірген қайраткері Мәлік Бәйкенов
Балетмейстер - Елена Дмитриева-Лавринович (Беларусь, Минск)
Бас хормейстер - Татьяна Штыкова.
ТАРИХИ АНЫҚТАМА
«Сүй мені, Кэт!» -америкалық композитор Кол Портердің мюзиклі. Ол ең алғаш рет 1948 жылдың желтоқсанында Нью-Йоркте қойылды. Кейінірек, 1953 жылы режиссер Джордж Сидни осы шығарманы экранизациялады.
ҚОЙЫЛЫМ МАЗМҰНЫ
О, баста сөз болған. Яғни К.Портердің «Сүй мені, Кэт!» мюзиклінің негізіне В.Шекспирдің «Асауға тұсау» пьесасы алынған. Падуедегі Баптистің үйінің жанындағы алаң. Оның қызы Бьянкадан үмтікер жігіттер Гортензио, Гремио, Люченцо. Мұнда Петруччо да келеді, оның мақсаты қалайда Падуеде үйлену. Катарина –Баптистің күйеуге шыққысы келмейтін асау қызы, ал Бьянканың тұрмысқа шыққысы келеді. Шекспирдің шығармасында қыздардың қайсысының күйеуге шығатыны және жақсы әйел болатыны туралы елдің бәріне аян.
Ал бірақ «Сүй мені, Кэт!» мюзиклі ұлы драматургтың белгілі шығармасы бойынша ғана емес. Оның негізінде бұрынғы ерлі-зайыптылар - примадонна Лилли мен актер Фредтің театрдағы және кәдімгі өмірлері. У.Шекспирдің «Асауға тұсау» спектаклінде Лилли мен Фред бас кейіпкерлер – Катарина мен Петруччоның рөлдерін ойнайды. Пьеса сюжеті актерлердің өз өмірлерімен сабақтасады:кейіпкері сияқты еркін де асау Лилли қызғаныштан спектакльді тастап театрдан кетпекші болады. Тек Фред пен театрға деген махаббаты жеңіп, сахнаға қайта оралады.
Осылайша Мельпомен сарайында бәрі де қым-қуыт араласып кетті. Фред пен Лиллидің махаббатары да, асаулықтары да бір—бірінен асып түседі. Кімнің кімге бағынғанын көрерменнің өзі шешеді.
