ЗВАНЫЙ ВЕЧЕР С ИТАЛЬЯНЦАМИ-
ИТАЛЬЯНДЫҚТАРМЕН БІРГЕ ӨТКЕН КЕШ
Ж.Оффенбах
Бір актілі оперетта
Либретто: Ш. де Морни, Л. Галеви
Авторлық нұсқасы Е.Пермякова
Премьерасы 2015 жылы 22 қарашада болды.
ҚОЮШЫ ТОП:
Режиссер – Евгения Пермякова
Дирижер – Дмитрий Усов
Балетмейстер – Татьяна Судакова-Попович
Хормейстер – Наталья Кряжева
Сценография мен костюмдер – Анара Қажығалиева
ТАРИХИ АНЫҚТАМА
Оффенбахқа бұл шағын ғана опереттаны жазу туралы ойды (оның түпнұсқадағы атауы «Шуфлери мырза үйде қалады») император Наполеон III-тің бауыры, өзінің либеретто жазушыларының бірі граф де Морни айтқан екен. Опереттаны Оффенбах 1861 жылы жазса да, ол әлі күнге вокалдық, артистік шеберлік ерекшеліктерімен әлемнің көпетеген елінің көрермендерін тамсандырып келеді.
ҚОЙЫЛЫМ МАЗМҰНЫ
Сюжеті қарапайым да өзгеше: Шуфлери мырзаның салтанатты да дәулетті үйінде арнайы шақырылған қонақтармен кеш өтіп жатыр. Кеште итальяндық белгілі трио әншілер өнер көрсетуі керек еді, алайда олар аяқастынан шұғыл түрде елдеріне қайтып кететін болады. Шуфлери мырзаның байғұс комопзитор Бонифасқа ғашық Эрнестина атты қызы бар. Айлакер Эрнестина әкесінің беделін сақтап қалу үшін өзін, әкесін және Бонифасты «итальяндық артистер» деп таныстырайық деген ой айтады, есесіне әкесінен өзін Бонифаспен некелестіруін талап етеді. Шуфлери келісуге мәжбүр болады, ал әншілерді алмастырған «опералық авантюра» үштігі қонақтардың көңілінен шығып, керемет табысқа ие болады.
